• शुक्रबार, अशोज १०, २०७६
• खोटाङ टुडे

असोज १० शुक्रवार, २०७६
खोटाङ । खोटाङको साकेला गाउँपालिकाले दशैं र तिहारको अवशरमा एक लाख ९५ हजार राशीको फुटबल प्रतियोगीताको तयारी गरेको छ । दशैं र तिहारको अवशर पारेर गाउँपालिकाले आगामी कात्तिक १ गतेदेखि सर्वाधिक राशीको मपारुङ अन्तरपालिका फुटबल प्रतियोगीता गर्ने भएको हो ।

साकेला गाउँपालिका–२ रतन्छास्थित दारुलाटार खेलमैदानमा सञ्चालन गरिने प्रतियोगीतामा प्रथम, दोश्रो र तेश्रो स्थान प्राप्त गर्ने समुहले क्रमशः १ लाख, ६० हजार र ३५ हजारका साथमा कप प्राप्त गर्ने गाउँपालिकाले जनाएको छ ।

प्रतियोगीताका उत्कृष्ट गोलकिपर, उत्कृष्ट डिफेण्डर, उत्कृष्ट मिडफिल्डर, सर्वाधिक गोलकर्ता, उत्कृष्ट खेलाडी, उत्कृष्ट कोच, उत्कृष्ट मार्चपास र अनुशासित टिमलाई पनि पुरस्कार र ट्रफी प्रदान गरिने गाउँपालिका अध्यक्ष अर्जुन खड्काले बताए ।

प्रतियोगीतामा जिल्ला तथा जिल्ला बाहिरका गाउँपालिकाका खेलाडीले प्रतिष्पर्धा गर्ने जनाइएको छ । सहभागी टिमले बढिमा दुई जना खेलाडी मात्र आफ्नो टिममा अन्यत्रबाट भित्र्याउन पाउने गाउँपालिकाले जनाएको छ ।