गजल

पवन प्रताडित

असोज १९ आइतवार, २०७६
खोटाङ ।

निदाएको नाटक गर्नेलाई ब्युँझाउन सकिन्छ ?
तिमी भन्छौ, सबै कुरा “मिलाउन सकिन्छ”

 

यता उस्तै, उता दुरुस्तै ‘आलु’ पाराको बानी छ
यसरी त कसरी सम्बन्ध जोगाउन सकिन्छ ?

 

भन्यौ, “आकार सानो हुँदैमा आयतन कम हुँदैंन नि,
एउटै मनमादर्जन मान्छे अटाउन सकिन्छ ।”

 

प्रेम पनित सुर्केनी पारेको डोरी जस्तै रै’छ
मन लागे कस्न,नलागे फुकाउन सकिन्छ ।

 

तिम्रो स्वतन्त्रता खोस्न मलाई पनि मन छैन
चौरीमा घाँस खाने मान्छे छन्, चराउन सकिन्छ ।

लेखक : सामुदायिक रेडियो हलेसी एफएम, खोटाङमा आवद्ध छन् ।