• सोमवार, पुस ७, २०७६
• खोटाङ टुडे

पुस ७ सोमवार, २०७६
खोटाङ । सरस्वती माविमा अध्ययन गरेर हाल बेलायतमा रहेका भूपु विद्यार्थीले धुलोरहित खेलमैदान निर्माणका लागि आर्थिक सहयोग गरेका छन् । बेलायती सेनामा कार्यरत एबं अवकाश प्राप्त पुर्वविद्यार्थीले सरस्वती माबिको धुलोरहित एसेम्बली मैदान बनाउन ९ लाख ४८ हजार ३२२ रुपैयाँ प्रदान गरेका हुन् ।

सहयोग रकमको चेक सोमबार ‘धुलोरहित एसेम्बली मैदान निर्माणार्थ समिति’का सदस्य सचिव जगतराम राईले प्रधानाध्यापक ध्यानबहादुर राईलाई हस्तान्तरण गरेका छन् ।

विद्यालयको धुलो प्राङगणमा विभिन्न कार्यक्रम सञ्चालन गर्दा र विद्यार्थी खेल्दा उँडेर विद्यार्थी र शिक्षकको स्वास्थ्यमा अशर परेको भन्दै धुलोरहित खेलमैदान बनाउन विद्यालयले गरेको आग्रह अनुशार भुपु विद्यार्थीले सहयोग प्रदान गरेका हुन् । भूपु विद्यार्थीको अनलाईन बैठकबाट पाँच महिनामा ४२ जनाबाट धुलोरहित मैदान बनाउन रकम जुटाइएको सदस्य सचिव राईले बताए ।

भूपु विद्यार्थीबाट प्राप्त भएको रकमले विद्यालयको मैदानमा ब्लग बिछ्याइने छ । एसेम्बली मैदानमा ब्लग विछ्याउने र छेउछेउमा आर्कषक बगैचाहरु निर्माण गरिने प्रअ राईले बताए ।