• आइतवार, पुस २७, २०७६
• खोटाङ टुडे

पुस २७ आइतवार, २०७६
खोटाङ । खोटाङको दिक्तेल रुपाकोट मझुवागढी नगरपालिका–९ निर्मलीडाँडाका तीन दाजुभाईले स्थानीय एक विद्यालयमा दुई लाख ५० हजारको अक्षय कोष स्थापना गरि गरिदिएका छन् ।

दिक्तेल रुपाकोट मझुवागढी नगरपालिका–९ निर्मलीडाँडा घर भई हाल सुनसरीको इटहरीमा बस्दै आएका इन्द्रबहादुर राई, राजबहादुर राई र तुलसकुमार राईले मनकामना जनकल्याण मावि निर्मलीडाँडामा बुबा तिलकबहादुर राई र आमा मनमाया राईको स्मृतिमा अक्षय कोषको स्थापना गरि दिएको स्थानीय प्रजाकुमार राईले जानकारी दिए ।

राई परिवारले स्थापना गरी दिएको अक्षय कोषको रकम चाडै बैंकमा खाता खोलेर राख्नका लागि धनिराम राईको अध्यक्षतामा अक्षय कोष सञ्चालक समिति गठन गरिएको विद्यालयले जनाएको छ ।

उक्त अक्षय कोषको रकमबाट आएको व्याजले हरेक वर्ष विद्यालयमा अध्यनरत उत्कृष्ट अंक ल्याउने छात्र÷छात्रालाई विद्यालयको वार्षिक उत्सवमा प्रदान गरिने विद्यालयका प्रधानाध्यापक तारादेवी राईले जानकारी दिइन् ।