• सोमवार, बैशाख १, २०७७
• खोटाङ टुडे

 

बैशाख  १ सोमवार, २०७७
खोटाङ । आज नयाँ २०७७ को पहिलो दिन । विश्वमा कोरोना भाइरसको संक्रमण फैलिएसंगै गरिएको लकडाउनका खोटाङका ऐतिहासिक, धार्मिक, साँस्कृतिक तथा पर्यटकीयस्थल सुनसान बने ।

 

 

 

जिल्लाका धार्मिक तथा पर्यटकीय स्थलहरु हलेसी महादेव, कालिका भगवती, बराहपोखरी, रुपाकोट डाँडा, मझुवागढी, तुवाचुङडाँडा, भुलभुले, धिप्लुङ झरना, चखेवाभञ्ज्याङ लगायतका पर्यटकीय क्षेत्रमा लकडाउनको प्रत्यक्ष प्रभाव परेको छ ।

 

त्रिधार्मिकस्थलको रुपमा रहेको हलेसी मन्दिरमा विश्वमा कोरोना भाइरसको संक्रमण फैलिएसंगै चैत्र ७ गतेदेखि दर्शनार्थीलाई प्रवेशमा रोक लगाइएको छ ।

 

 

 

 

हलेसी मन्दिरसंगै नयाँ वर्षका साथै विदाका दिनमा ठूलै भीडाभाड हुने पर्यटकीय स्थलहरु कालिका भगवती, बराहपोखरी, रुपाकोट डाँडा, मझुवागढी, तुवाचुङडाँडा, भुलभुले, धिप्लुङ झरना चखेवाभञ्ज्याङ लगायतका आज भने सुनसान  रहेका छन् ।

कोरोना भाइरस (कोभिड १९) का कारण लकडाउन हुँदा हरेक नयाँ वर्षमा नयाँ ठाउँहरुमा घुम्नेहरु पनि यस वर्ष घरैमा बसेर एकआपसमा शुभकामना आदानप्रदान गरेका छन् ।