• आइतवार, अशोज २१, २०७५
• खोटाङ टुडे

धितुङमा माछापुच्छ्रे बैंकको शाखा रहित सेवा उद्घाटन गर्दै नगरप्रमुख इवन राई ।

 

खोटाङ । माछापुच्छ्रे बैंकले खोटाङको दुई स्थानमा शाखा रहित सेवा सुरु गरेको छ । स्थानीय तह कार्यान्वयनमा आएसँगै गत बैशाखमा हलेसी तुवाचुङ नगरपालिका–७ महादेवस्थानमा शाखा स्थापना गरेको बैंकले आईतबार बुईपा र धितुङमा शाखा रहित सेवा विस्तार गरेको हो ।

गाउँ–गाउँमा बैंकिङ कारोबार सेवा पु¥याउने उद्देश्यले दिक्तेल रुपाकोट मझुवागढी नगरपालिका–१४ बुईपामा ३२ औं र हलेसी तुवाचुङ नगरपालिका–८ धितुङमा ३३ औं शाखा रहित सेवा सुरु गरेको हो । बुईपाको शाखा रहित सेवा जिल्ला समन्वय समिति खोटाङका प्रमुख ववि चाम्लिङ र धितुङको शाखारहित सेवा हलेसी तुवाचुङ नगरपालिकाका नगरप्रमुख इवन राईले उद्घाटन गरेका हुन् ।

स्थानीय तहमा हुने आर्थिक कारोबारलाई ध्यानमा राखेर एकैसाथ दुई स्थानमा शाखा रहित सेवा सुरु गरिएको माछापुच्छ्रे बैंक हलेसी शाखाका म्यानेजर खगेन्द्र श्रेष्ठले बताए । यस सँगै माछापुच्छ्रे बैंकले देशभर ३३ वटा शाखा रहित बैंकिङ सेवा सुरु भएको जनाएको छ । माछापुच्छ्रेले हलेसी तुवाचुङ नगरपालिका–३ च्यास्मीटारमा पनि शाखा रहित सेवा विस्तार गर्ने जनाएको छ ।