• आइतवार, असार ५, २०७९
• खोटाङ टुडे

खोटाङ , असार ५ / खोटाङको  दिक्तेल रुपाकोट मझुवागढी नगरपालिका वडा नं.–१०  पाथेका स्थित सरस्वती मा.वि विद्यालय(१–१०)को नयाँ अध्यक्ष पदमा स्थानीय समाजसेवी हात्तीराम राई सर्वसम्मत चयन भएका छन् ।

विद्यालयको पुरानो समितिको कार्यकाल सकिएपछि गत पौष महिनामा ९ गते भएको अभिभावकहरुको भेलालाई निरन्तरता दिदै ४ सदस्यहरुको मनोनित सदस्यमा छनौट परेका राईलाई विद्यालय व्यवस्थापन समितिको अध्यक्ष पदमा निर्विरोध चयन गरिएको हो । समाजसेवालाई निरन्तरता दिदै आएका राई किँरात राई यायोख्या जिल्ला अध्यक्ष समेत रहेका छन् ।

वडाका जनप्रतिनिधि, शिक्षक, अभिभावकको उपस्थितिमा ४ जना नयाँ सदस्यहरुमा घमण्ड प्रसाद गिरि, अस्मिता राई र सम्झना राई लाई छनौट गरिएको थियो ।
आईतबारको निर्णयले  सौराज राई,टिक माया राईलाई मनोनित गरेसंगै अन्य पदाधिकारीको समेत टुंगो लागेको प्रधानाध्यापक उत्रप्रसाद  राईले जानकारी दिए ।

विव्यसको अन्य सदस्यहरुमा शिक्षक प्रतिनिधिबाट खगेन्द्र  राई र वडा प्रतिनिधिकोरुपमा शहरमणी राईलाई चयन गरिएको छ भने सदस्य सचिवमा विद्यालयको प्रअनै रहने कानुनी प्राव्धान रहेको छ । एक विद्यलायमा जम्मा ९ जनाको विद्यालय व्यवस्थापन समिति रहने व्यवस्था छ । विब्यसको भेलाले शिक्षक अभिभावक संघ नि टुग्याएको छ  शि.अ.सं अध्यक्षमा दिल बहादुर राई निर्विरोध निर्वाचित भएका  छन् ।