• बुधबार, असार २९, २०७९
• खोटाङ टुडे

कृष्णकला राई

खोटाङ/ खोटाङको दिक्तेल रुपाकोट  मझुवागढी नगरपालिकाले पुर्ण खोप नगर घोषणा गर्ने तयारी गरेको छ ।

बुधबार बिहान नगरपालिकाको सभाहलमा एक कार्यक्रम गरि नगरपालिकाको स्वास्थ्य शाखा र स्वास्थ्य कार्यालय खोटाङको संयुक्त साझेदारीमा यहि असार ३२ गते पुर्ण खोप नगर घोषणा गर्ने तयारी रहेकोे  बताइएको हो ।

बालबालिकाको स्वास्थ्य जीवनको शुरुवातको लागि खोप एक राम्रो लगानी  मानिन्छ नवजात
शिशु मृत्युुदर कम गर्न ० देखि तेईस महिनाको अबधिमा लगाईने १३ वटा अनिवार्य खोप मात्रा नगरको सबै वडामा रहेको ११ सय बढी  बालबालिकालाई  लगाईसकिएको नगर स्वास्थ्य शाखाले जानकारी दिइएको छ ।

८ गाउँपालिका र २ नगरपालिका रहेको खोटाङमा जिल्ला स्वास्थ्य कार्यालयको आर्थिक सहयोगमा हलेसी तुवाचुङ नगरपालिकाले  पुर्ण खोप नगर घोषणा गरिसकेको छ । जिल्लाको सबै स्थानीयतहमा ०-२३ महिनाको अबधिमा  बालबालिकाले पाउने खोप मात्रा पूरा भए पनि ८ गाउँपालिकामा घोषणा गर्न बाँकी रहेको  स्वास्थ्य कार्यालयको प्रमुख पुन्य प्रसाद सिग्देलले बताउनु भयो ।

विश्वमा हालसम्म १६ प्रकारका खोपको उत्पादन भएको  र तीमध्ये धेरै खोपको प्रयोग गर्न कमै मात्र देशले सकेको अवस्थामा हाल नेपालले १३ प्रकारका खोप सञ्चालनमा ल्याउन सकेको छ ।