• बुधबार, अशोज १२, २०७९
• खोटाङ टुडे

खोटाङ/ खोटाङको दिप्रुङ चुईचुम्मा गाउँपालिकाले ७०३ अशक्त लाभग्राहीलाई शिबिरमार्फत सामाजिक सुरक्षाभत्ता वितरण गरेको छ ।

गाउँपालिका र सानिमा बैंकसँगको सहकार्यमा गाउँपालिकाले वृद्ध अवस्थाका जेष्ठ नागरिक, अशक्त अवस्थाका नागरिक तथा आफै हिँडेर बैंकसम्म पुग्न नसक्ने लाभग्राहीलाई शिबिर सञ्चालन गरेर सामाजिक सुरक्षाभत्ता वितरण गरेको हो ।

दशैंतिहारलाई लक्ष्यित गर्दै गत असोज ५ गते दिप्रुङ चुईचुम्मा गाउँपालिका–१ याम्खाबाट सुरु गरिएको भुक्तानी शिबिर असोज १२ गते दिप्रुङ चुईचुम्मा गाउँपालिका–७ टेम्मामा पुगेर सकिएको छ ।

दिप्रुङ चुईचुम्मा गाउँपालिका–१ याम्खामा सञ्चालन गरिएको शिविरबाट ११७ जना
असोज ६ गते छोरम्बुमा सञ्चालन भएको शिविरमा ९७ जना असोज ७ गते बतासेमा सञ्चालन गरिएको शिविरबाट १५१ जना असोज ९ गते स छितापोखरिबाट १११ जना असोज ११ गते छितापोखरी बाट ७१ र असोज १२ गते टेम्माबाट १५६ जनालाई सामाजिक सुरक्षा भत्ता बितरण गरिएको गाउँपालिकाले जनाएको छ ।

७ वडा रहेको गाउँपालिकामा वडा नम्बर-२ डाँडागाउँमा बैक सङ्गै जोडिएको हुनाले उक्त शिबिरको आयोजना नगरिएको जनाईएको छ । बैंकसम्म पुग्न सक्ने अन्य लाभग्राहीले भने बैंकबाटै सामाजिक सुरक्षाभत्ता बुझिरहेका छन् ।