• सोमवार, मंसिर ५, २०७९
• खोटाङ टुडे

खोटाङ, ५ मंसिर । खोटाङमा मत गणना सुरु भएकोछ । सोमबार राती नौ बजेदेखि गणना सुरु गर्ने भनिए पनि दुई घण्टा ढिलागरी गणना सुरु गरिएको हो । मुख्या निर्वाचन अधिकृतको कार्यालयका रुपमा प्रयोग गरिएको जिल्ला अदालतको एउटा कोठामा प्रतिनिधिसभा र अन्य दुई कोठामा प्रदेशसभा (क) र प्रदेशसभा (ख)को मत गणना सुरु गरिएको हो । एक पटकमा पाँच सय मत गणना गरिसकेर परिणाम सार्वजनिक गर्ने व्यवस्था मिलाइएको सहायक निर्वाचन अधिकृत रामाकान्त यादवले बताए ।
एक लाख ४२ हजार ७९२ मतदाता रहेको जिल्लामा ६७ हजार ३७३ (४७.१७ प्रतिशत) मत खसेको छ । निर्वाचनमा स्वतन्त्र सहित नौ दलका २६ उम्मेदवार चुनावी मैदानमा छन् । प्रतिनिधिसभा सदस्यमा आठ, प्रदेशसभा (क)मा १० जना र प्रदेशसभा (ख)मा छ जना उम्मेदवार छन् ।