• मङ्लबार, चैत्र १३, २०८०
• खोटाङ टुडे

खोटाङ / नेपाल नेत्र ज्योति संघ खोटाङले स्थापनाको ४६ औं बार्षिकोत्सव मनाएको छ । सो अवसरमा संघले मंगलवार दिक्तेलमा शुभकामना आदान प्रदान सहित निशुल्क आँखा जाँच र चस्मा बितरण गरेको हो ।

कार्यक्रममा उपस्थित हुनुहुने  अतिथि लगाएत , जेष्ठ नागरिक र विभिन्न उमेर समूहका आँखा परिक्षणमा सहभागी ४१ जनाको आँखा जाँच र ३२ जनालाई  बिशेष गरि नजिकैको देख्न र पढ्नका लागि आबश्यक पर्ने Reading glasses बितरण गरिएको नेत्र ज्योति संघ खोटाङको अध्यक्ष ईन्द्र कसजुले जानकारी दिनु भयो  ।

 संघले हरेक वर्ष १३ चैतलाई स्थापना दिवसका साथै नेत्र ज्योति दिवसका रुपमा मनाउँदै आएको छ । ०३५ सालमा स्थापना भएको संघ नेपालमा अन्धोपन न्यूनीकरणमा क्रियाशील संस्था हो ।

उक्त कार्यक्रममा  जिल्ला समन्वय समिति खोटाङको प्रमुख सनबहादुर राईको प्रमुख आतिथ्य दिक्तेल रुपाकोट मझुवागढी नगरपालिकाको उप- प्रमुख बिशन राईको बिशेष आतिथ्य, राजनीति दलको प्रतिनिधि ,जेष्ठ नागरिक  , पत्रकारहरुको उपस्थिति रहेको  थियो ।