• बुधबार, माघ ३०, २०८१
• खोटाङ टुडे

खोटाङ / खोटाङको दिप्रुङ चुईचुम्मा गाउँपालिकामा पालिकास्तरीय राष्ट्रपति रनिङ शिल्ड प्रतियोगिता २०८१ मा सरस्वती  माध्यमिक विद्यालय डाँडाखर्क प्रथम भएको छ । पाँचौं नगरस्तरीय राष्ट्रपति रनिङ शिल्ड प्रतियोगितामा ६ स्वर्ण पदक, २ रजत पदक र ४ कास्य पदक सहित सरस्वती  माविले उपाधि चुमेको हो ।

दिप्रुङ चुईचुम्मा गाउँपालिका-३ शान्ती निकेतन मिना कर्ण मा वि सापातेलको खेलमैदानमा  सञ्चालन भएको प्रतियोगिता माघ २५ गतेबाट सुरु भएको थियो । प्रतियोगितामा द्धितीय भएको शान्ति मा.वि. छोरम्बुले ४ स्वर्ण पदक, ४ रजत पदक र १ कास्य पदक प्राप्त गरेको छ । त्यस्तै, तेस्रो भएको महेन्द्रोदय  मा.वि. ओख्रेले  ४ स्वर्ण पदक, २ रजत पदक र २ कास्य पदक हात पारेको हो ।

चौंथो हुने कृष्ण मा.वि. टेम्माले ३ स्वर्ण पदक, ३ रजत पदक र ३ कास्य पदक प्राप्त गरेको दिप्रुङ चुईचुम्मा गाउँपालिका-३ छोरम्बुका वडा अध्यक्ष भुपेन्द्र बस्नेतले जानकारी दिनुभयो । प्रथम द्वितीय र तृतीय हुने बिद्यालयले क्रमस कर सहित १५ हजार १२ हजार र ९ हजार नगदको साथमा  प्रमाणपत्र र शिल्ड प्राप्त गरेको बस्नेतले भनाई छ ।

गाउँपालिका अध्यक्ष लोकेन्द्र राई उपाध्यक्ष अरुणा थापा मगर ,अन्य जनप्रतिनिधि शिक्षक, लगाएतको उपस्थिति रहेको थियो । मंगलबार सम्पन्न खेलमा पालिकाभित्रका १४ वटा माध्यमिक विद्यालयको सहभागिता रहेको थियो ।