• शनिबार, चैत्र २९, २०८१
• खोटाङ टुडे

  खोटाङ/ खोटाङमा  सुम्निमा पारुहाङको सालिक तोडफोड गरिएको छ। खोटाङको दिप्रुङ चुइचुम्मा गाउँपालिक-६ को छितापोखरीमा निर्माण गरिएको सुम्निमा पारुहाङको सालिक तोडफोड गरिएको छ । शुक्रबार राति अज्ञात समूहले सुम्निमा पारुहाङको सालिक पुर्ण क्षती हुने गरि  तोडफोड गरिएको हो ।

छितापोखरीको मैस्याङ डाँडामा दुई वर्षअघि कोशी प्रदेश सरकार र गाउँपालिकाको संयुक्त लगानीमा ४० लाख भन्दा बढि  लगानीमा सुम्निमा पारुहाङ र वाबू (चिन्डो)को सालिक निर्माण गरिएको थियो।

सालिक निर्माण भएपछि आन्तरिक पर्यटकको आगमन हुन थालेपछि सुम्निमा पारुहाङ्को सालिक तोडफोड गरिएको हो।उक्त स्थानमा वैशाख १ गते साकेला सिलि प्रदर्शनीको कार्यक्रम राखिएपछि सालिक  तोडफोड गरिएकाले दोषीलाई तत्काल पक्राउ गरि कारबाहीमा ल्याइने गाउँपालिकाले बिज्ञप्ति सार्वजनिक गरेको छ ।

मैस्याङडाँडा  / सुम्निमा पारुहाङ पार्कमा पर्यटकिय क्षेत्रको पर्यटन प्रवर्धनको लागि गाउँपालिकाले गत  भदौ २५ गते देखि असोज १० गते सम्म फोटो प्रतियोगिता सञ्चालन गरेको थियो ।