• आइतवार, साउन १२, २०८२
• खोटाङ टुडे

 खोटाङ / खोटाङमा भतिजोको कुटपिटबाट एक जनाको मृत्यु भएको छ । खोटाङको साकेला गाउँपालिका-५ मात्तिमबिर्ताका ६९ वर्षीय राजकुमार राईको भतिजको कुटाइबाट ज्यान गएको छ।

घरायसी वादविवादका क्रममा ३१ वर्षीय भतिज न्युसन राईले साउन ११ गते राती साढे १२ बजे कुटपिट गरेका थिए।भतिजको कुटपिटबाट राईको अनुहार,शरीरको बिभिन्न भागमा चोट लागेको र बोल्न नसक्ने भएपछि राती नै उपचारको लागि जिल्ला अस्पताल खोटाङ दिक्तेल ल्याइएको थियो ।

 उपचारको क्रममा उनलाई राती साढे ३ बजे डाक्टरले मृत घोषणा गरेको जिल्ला प्रहरी कार्यालय खोटाङका सूचना अधिकारी शुसान्त  मिश्रले जानकारी दिनु भयो । कुटपिट गर्ने राईलाई जिल्ला प्रहरी कार्यालय दिक्तेल ल्याई थप अनुसन्धान सुरु गरिएको बताइएको छ ।