• बिहिबार, अशोज २, २०८२
• खोटाङ टुडे

खोटाङ / दिप्रुङ चुइचुम्मा गाउँपालिका–४ बतासे दिनुवाकी रेस्मिका सिवा परियारको हत्यामा संलग्न भएको आरोपमा एक किशोर पक्राउ परेका छन् । गत भदौ ३० गते मृत फेला परेकी परियारको हत्यामा संलग्न सोही ठाउँको अन्दाजी १५–१६ वर्षीय एक किशोर बुधबार पक्राउ परेका हुन् ।

अजम्बरी साना किसान कृषि सहरकारी संस्थामा कार्यरत परियारलाई कार्यालयस्थल पञ्चमीबजारबाट घर फर्कने  क्रममा ह्याकुले र रमितेडाँडाको जङ्गलमा बलात्कार पछी  हत्या  गरेको प्रहरीले जनाएको छ ।

 उनलाई बिहीबार अदालतमा म्याद थप गरी अनुसन्धान बढाइने जिल्ला प्रहरी कार्यालय खोटाङले जनाएको छ ।

परियार ३० गते बेलुकी अबेरसम्म घर नफर्किएपछि खोज्ने क्रममा आफन्तले बाटोनेर चप्पल फेला परेको, त्यसपछि खोज्दै जाँदा २०० मिटर तल जङ्गलमा रहेको बासघारी छेउमा उनको लास फेला थियो  ।

रेस्मिकाको शवको मुचुल्का संकलन गरी बीपी कोइराला स्वास्थ्य विज्ञान प्रतिष्ठान धरानमा पोस्टमार्टम गरि बुधबार इटहरीको बुढिखोलामा दाह संस्कार गरिएको छ।