• सोमवार, कार्तिक १८, २०८२
• खोटाङ टुडे

खोटाङ / खोटाङमा स्वास्थ्य कार्यक्रमको वार्षिक प्रगती मूल्यांकनमा हलेसी तुवाचुङ नगरपालिका प्रथम भएको छ । आर्थिक वर्ष २०८१/०८२ को जिल्ला स्तरिय स्वास्थ्य कार्यक्रमको वार्षिक प्रगती मूल्यांकनमा जिल्लाका १० स्थानीयतह मध्ये हलेसी तुवाचुङ नगरपालिकाले प्रथम स्थान प्राप्त गरेको हो ।

यस्तै, दिक्तेल रुपाकोट मझुवागढी नगरपालिका दोश्रो र रावाबेसी  गाउँपालिकाले तेश्रो स्थान प्राप्त गरेको छ। खोप कार्यक्रमको प्रगती, परिवार नियोजनको साधनको प्रयोग दर, समयमा प्रगती प्रतिबेदन उपलव्ध गराएको लगायत ए श्रेणीको आधारमा उत्कृष्ट पालिका छनौट गरिएको स्वास्थ्य कार्यालय खोटाङका प्रमुख जीवन चौलागाईंले बताए ।

अन्य सात वटा स्थानीयतह भने बि श्रेणीमा परेका छन् ।

२०७७/०७८ स्वास्थ्य कार्यक्रमको वार्षिक प्रगती मूल्यांकनमा पनि हलेसी तुवाचुङ नगरपालिका प्रथम भएको थियो  ।