• शनिबार, पुस ७, २०७५
• खोटाङ टुडे

पुस ७ शनिवार, २०७५
जाजरकोट । चार दिनकी सुत्केरीको रक्तश्राव नरोकिएपछि थप उपचारका लागि जहाज चार्टर गरी नेपालगन्ज लगिएको छ । जाजरकोट अस्पताल पु¥याइएकी जाजरकोट भेरी नगरपालिका–३ ठाँटीकी प्रतिभा पुन थापालाई जहाज चार्टर गरी शुक्रबार नेपालगन्ज पु¥याइएको हो । उनको शिक्षण अस्पताल नेपालगन्जमा उपचार भइरहेको छ । उनलाई २ लाख २५ हजार रुपैयाँमा तारा एयरको जहाज चार्टर गरी उपचारका लागि नेपालगन्ज लगिएको हो ।

नर्मल डेलिभरीबाट चार दिनअघि भेरी अञ्चल अस्पतालमा छोरा जन्माएकी प्रतिभा बिहीबार घर फर्किएको केही समयपछि रक्तश्राव बढ्दै गएपछि उनी बेहोस भएकी थिइन् । उनलाई तत्काल जाजरकोट अस्पताल पु¥याइए पनि दक्ष चिकित्सक र उपकरण अभावमा उनको उपचार हुन सकेको थिएन ।

अस्पतालले नेपालगन्ज रिफर गरिदियो । ‘सुत्केरीको ज्यान बचाउँन छिटो सुविधा सम्पन्न अस्पताल लैजान जाजरकोट अस्पतालका डाक्टरले सल्लाह दिए’, श्रीमान् पदम थापाले भने, ‘तर कसरी लैजाने ? स्थलमार्गबाट लैजाँदा कम्तीमा ५ घण्टा लाग्छ, त्यसैले जहाज चार्टर गर्नुप¥यो । आजको अन्नपुर्ण पोष्टमा खबर रहेको छ ।