• आइतवार, पुस २२, २०७५
• खोटाङ टुडे

पुस २२ आइतवार,२०७५
काठमाडौं । संसदको सार्वजनिक लेखा समितिका सदस्यहरुले एक स्वरमा वाइडबडी खरिद प्रकरणमा दोषी देखिएका सबैलाई कारबाही गरिनुपर्ने स्पष्ट पारेका छन् । उनीहरुले यो प्रकरणमा दोषी देखिने कसैलाई पनि उन्मुक्ति दिन नहुने धारणा राखेका छन् ।

शनिबार राजधानीमा आयोजित साक्षात्कारमा बोल्दै लेखा समितिका सदस्य एवम् नेकपाका सांसद विशाल भट्टराईले वाईडबडी खरिद प्रकरण नेपालको इतिहासमा कलंक भएको टिप्पणी गरे ।

उनले भने, ‘यो नेपालको इतिहासमा सबैभन्दा ठूलो भ्रष्टाचारको नमूना घटना हो । नेपाल एयरलायन्सको इतिहासमा अरु थुप्रै काण्डहरु छन् । वाईडबडी खरिद प्रक्रियामा ठूलो घोटाला भएको छ । ठूलो अनियमितता भएको छ । यसमा कुनै द्धिविधा छैन । दोषीहरुलाई कारबाही गर्नुपर्छ ।’

उनले आफूहरुले कसैलाई पनि नजोगाउने स्पष्ट पारे । उनले भने, ‘बदमास गर्नेजति सबैलाई कारबाही गर्नुपर्छ । हामी कारबाही गर्छौं । यो विषय कसैको लागि पनि क्षम्य हुँदैन ।’

आफ्नो पार्टीले कसैलाई पनि जोगाउने वा बचाउने काम नगर्ने उनको भनाई थियो । उनले भने, ‘नेकपाले कसैलाई छुट दिँदैन ।’ यद्यपी उनले लेखा समितिद्धारा गठित छानबिन उपसमितिको प्रतिवेदन संशोधनसहित आउनुपर्ने धारणा राखे । भट्टराईले भने, ‘प्रतिवेदन संशोधनसहित आउँछ । हामी प्रतिवेदनलाई सोमबारको बैठकमा निश्कर्षमा पु¥याउँछौं ।’

उपसमितिको प्रतिवेदनलाई अंकुश लगाउनको लागि वा लेखा समितिको समानन्तर समितिको रुपमा सरकारले उच्चस्तरीय छानबिन न्यायिक समिति गठन नगरेको पनि उनले स्पष्ट पारे । उनले भने, ‘सरकारले गठन गरेको उच्चस्तरीय समितिबाट हाम्रो समितिलाई अंकुश लगाउने कुनै काम हुँदैन ।