• मङ्लबार, पुस २४, २०७५
• खोटाङ टुडे

पुस २४ मंगलवार, २०७५
खोटाङ । खोटाङको दिप्रुङ चुईचुम्मा गाउँपालिकाले गाउँपालिकाको दीर्घकालीन सोंच राखेर आवधिक विकास योजना तथा पाश्र्व चित्र निर्माण गर्नका लागि तीन दिने अभिमुखीकरण गोष्ठी शुरु गरेको छ । गाउँपालिकाको भूगोल, कृषि, पर्यटन, विकास निर्माण, शिक्षा, स्वास्थ्य, रोजगार, जनसंख्या लगायतका अन्य विविध विषयवस्तुमाथि छलफल गर्नका लागि मंगलवारबाट तीन दिने अभिमुखीकरण गोष्ठी शुरु गरेको हो ।

भावी दिनमा विकास निर्माणको कामलाई सहज ढंगबाट अगाडि बढाउन र जनताको भावना अनुरुप काम गर्न सकियोस भन्ने उद्देश्यले पालिकाको आवधिक विकास योजना तथा पाश्र्व चित्र निर्माण गर्न लागिएको गाउँपालिका प्रमुख भूपेन्द्र राईले बताए । गोष्ठीमा पालिकाभित्रका जनप्रतिनिधि, राजनीतिक दल, जिल्ला समन्वय समिति सदस्य, परियोजनाका प्रतिनिधि, प्रत्येक वडाबाट एक महिलासहित २ जना, विद्यालयका प्रधानाध्यपक, सञ्चारकर्मी, नागरिक समाजलगायतको सहभागिता रहेको गाउँपालिकाले जनाएको छ ।

आगामी फागुनसम्ममा पुरा गर्ने गरी स्वीस परियोजनाको सहयोगमा गाउँपालिकाले आवधिक विकास योजना तथा पाश्र्व चित्र निर्माणको काम गर्न लागेको जनाएको छ ।