• बिहिबार, पुस २६, २०७५
• खोटाङ टुडे

गाउँपालिका स्तरिय भलिबल प्रतियोगीता उद्घाटनकाक्रममा बोल्दै प्रदेशसभा सांसद राजन राई ।

पुस २६ बिहिवार, २०७५
खोटाङ । खोटाङको केपीलासगढी गाउँपालिका–६ दिप्सुङमा गाउँपालिका स्तरीय भलिवल प्रतियोगीता सुरु भएको छ । गाउँघरमा सबैभन्दा बढि खेलिने भलिबल खेलको प्रवद्र्धनका लागि वडा कार्यालय दिप्सुङको आयोजनामा बिहिबारदेखि तीन दिने भलिबल प्रतियोगीता सुरु भएको हो । भलिबल प्रतियोगीता प्रदेश सभा सांसद राजन राईले उद्घाटन गरेका हुन् ।

प्रतियोगीतामा प्रथम, दोश्रो र तेश्रो स्थान प्राप्त गर्ने टिमलाई क्रमशः ४० हजार, २५ हजार र १५ हजार प्रदान गरिने आयोजकले जनाएको छ ।
गाउँपालिका स्तरिय भलिबल प्रतियोगीतामा गाउँपालिकाका १० टिमको सहभागीता रहेको छ ।
खेलकुद उद्घाटन कार्यक्रममा केपीलासगढी गाउँपालिकाका प्रमुख कृष्णकुमार राई, उपप्रमुख हिरादेवी बन, जिल्ला खेलकुद विकास समितिका अध्यक्ष माईतीराज राई लगायतको उपस्थिति रहेको थियो । भलिबल प्रतियोगीतासँगै लोकदोहोरी र एकल नृत्य प्रतियोगीता समेत सुरु गरिएको छ ।