• शनिबार, पुस २८, २०७५
• खोटाङ टुडे

पुस २८ शनिवार, २०७५
खोटाङ । प्रगतिशिल लेखक संघ नेपाल खोटाङको अध्यक्षमा चित्रकुमार सुवेदी चयन भएका छन् । शनिवार जिल्ला समन्वय समितिको सभाहलमा भएको तेश्रो जिल्ला अधिबेसनबाट सुवेदी प्रगतिशिल लेखक संघको अध्यक्षमा सर्वसम्मत चयन भएका हुन् । १७ सदस्यीय प्रगतीशिल लेखक संघको उपाध्यक्षमा मिनकुमार दाहाल, सचिवमा लोकेन्द्र राई, सहसचिवमा सिता थुलुङ र कोषाध्यक्षमा क्रान्ति श्रेष्ठ चयन भएका छन् ।

प्रगतिशिल लेखक संघको अधिवेसनको अवशरमा कविता प्रतियोगीता समेत सञ्चालन गरिएको थियो । प्रतियोगीतामा सिर्जन अधिकारी प्रथम, अनिश घिमिरे दोश्रो, रिमा राई तेश्रो र मौसम आचार्य सान्त्वना भएका छन् ।

कविता प्रतियोगीतामा १७ कवि/कवयित्रीको सहभागीता रहेको थियो । कार्यक्रममा बेदीकुमार राई, एमसी सुमित, ओमप्रकाश घिमिरे, इन्द्र नारथुंगे लगायतले कविता वाचन गरेर सुनाएका थिए । कार्यक्रममा पूर्वसभाषद दुर्गाजयन्ती राई, नगरप्रमुख दिपनारायण रिजाल, नेकपा नेता धिरेन बुढाथोकी, लगायतको उपस्थिति रहेको थियो ।