• मङ्लबार, माघ १, २०७५
• खोटाङ टुडे

माघ १ मंगलवार, २०७५
खोटाङ । राष्ट्रिय भूकम्प सुरक्षा दिवसको अवशरमा खोटाङको दिक्तेलमा कृत्रिम भूकम्प अभ्यास देखाउने तयारी गरिएको छ । सर्वसाधारणलाई भूकम्पबाट बच्ने उपायका विषयमा जानकारी गराउनका लागि बुधबार २१ औं राष्ट्रिय भूकम्प सुरक्षा दिवसको अवशरमा दिक्तेलको माटिकोरे खेलमैदानमा कृत्रिम घट्ना अभ्यास देखाउने तयारी गरिएको हो ।

भूकम्पको परिचय, भूकम्पले पु¥याउने क्षती तथा यसबाट बच्नका लागि अपनाउनुपर्ने सावधानीका विषयमा सर्वसाधारणलाई जानकारी गराउने लक्ष्यकासाथ कृत्रिम भूकम्प अभ्यास प्रदर्शन गर्न लागिएको जिल्ला विपद व्यवस्थापन समितिका संयोजक एबं प्रमुख जिल्ला अधिकारी सुरेन्द्रराज पौडेलले बताए ।

नेपाली सेना, सशस्त्र प्रहरी र नेपाल प्रहरीले बुधबार बिहान ११ बजेपछि भूकम्प जोखिम न्यूनीकरणका लागि पूर्वतयारी सम्बन्त्री कृत्रिम घट्ना अभ्यास गरेर देखाउने जिल्ला विपद व्यवस्थापन समितिले जनाएको छ ।

रेडक्रस, जिल्ला अस्पताल, दिक्तेल रुपाकोट मझुवागढी नगरपालिका लगायतसँगको सहकार्यमा विपद व्यवस्थापन समितिले भूकम्प सुरक्षा दिवस मनाउने तयारी गरेको हो । सरकारले विसं २०५६ देखि भूकम्प सुरक्षा दिवस मनाउँदै आएको छ ।