• मङ्लबार, साउन २९, २०७५
• खोटाङ टुडे

नवराज “गाउँले”
हेर छोरी
पिडालाई काधमा हालेर,
आसुलाई सिरानी बनाएर
चाहनालाई बिनासित्ती
डुलृुवा बनाएर
एक मुठी गाँस
एक रात बाँस र
एक फेरो कपासको निम्ती
खुब विन्ती हजुरी गर्दै
चाकरी र चाप्लुसीको
खेती रित्तिएको छैन यहाँ
बरु, उल्टै मलजल गरिदैछ,
थुप्रै राजा महाराजाहरुको ।

त्यसैले छोरी,
निराशाको भारी बोकेर
पश्चातापको भूमरीमा
प्राणलाई बाजी राखी
सपनाहरुलाई निमोठेर
डगमगाएका चाहनाहरुलाई
विभत्स रुपमा हत्याको प्रयास गरिन्छ यहाँ
अधिकारका लागि आवाज उठाउँदा
हुनेको पद खोसिन्छ,
नहुनेको जिब्रो काटिन्छ ।

यहाँ त छोरी,
झुपडीमा सपना सजाउँनेहरुले
न त डाक्टर, न त पाईलटको
सर्टिफिकेट नै पाएका छन
न त योग्यताको कदर नै छ
यहाँ त केवल
पैसा, पावर र चाकरी ।

त्यसैले छोरी,
जिवनलाई सार्थक तुल्याउन
अनैकौ जिम्मेवारी पुरा गर्न
नौलो संसारको श्रृजना गर्न
निरन्तर ठगिएका चाहनाहरुलाई
सिङो बस्तीमा निर्माण गर्न
तिमी सामथ्र्य हुनुपर्छ
अनि मात्र मेरो÷तिम्रो
आदम्य साहसको कदर हुन्छ,
त्यसैले छोरी,
तिमी मेरी मात्र नभएर
यो देश नेपालकी
एक मात्र असल
डा. छोरी बनेर आउनु पर्छ ।