• सोमवार, माघ २८, २०७५
• खोटाङ टुडे

माघ २८ सोमवार, २०७५
खोटाङ । खोटाङको लिकुवापोखरीबाट उदयपुरको रानीटार सडकमा बस सेवा सुरु गरिएको छ । हालसम्म बोलेरो जीप सञ्चालन हुँदै आएको सडकमा सोमवारदेखि बस सेवा सुरु गरिएको हो । खोटेहाङ गाउँपालिका–१ लिकुवापोखरीबाट भोजपुरको बालंखा हुँदै उदयपुरको चौदण्डीगढीस्थित रानीटार पुग्ने बस सेवा सुरु गरिएको स्थानीय युवा दिपेश खड्काले बताए ।

२०६८ सालमै निर्माण गरिएको ६३ किलोमिटर सडकमा सुरु गरिएको बस सेवा वडाध्यक्ष खड्गबहादुर कार्कीले उद्घाटन गरेका छन् । गाउँबाटै बस चढेर उदयपुरको रानीटार हुँदै पूर्वी शहर पुग्ने बाटो खुलेपछि स्थानीय हर्षित भएका छन् । पैदल एक दिनमा पार हुने बाटो यातायात सेवाका कारण तीन घण्टामै पार हुने वातावरण बनेको खड्काले बताए ।