• सोमवार, भदौ ११, २०७५
• खोटाङ टुडे

 

 

खोटाङ टुडे

११ भदौ

बखतबहादुर खड्का स्मृति प्रतिष्ठानले खोटाङको दिप्रुङ चुईचुम्मा गाउँपालिका–५सप्तेश्वर छितापोखरीस्थित सरस्वती मावि डाँडाखर्कका १० छात्र–छात्रालाई छात्रवृत्ति प्रदान गरेको छ । २०६६ सालमा निधन भएका खड्काको स्मृतिमा श्रीमती, छोरा, भतिजा र भतिजा बुहारीले २०६८ सालमा स्थापना गरेको प्रतिष्ठानले जेहेन्दार, गरिव, असहाय एबं दलित छात्र÷छात्रालाई छात्रवृत्ति प्रदान गरेको हो ।

 

प्रतिष्ठानले स्थापना गरेको १० लाख राशीको अक्षय कोषबाट बार्षिक रुपमा आउने एक लाख व्याज रकमबाट छात्रछात्राको शैक्षिक प्रगतिका लागि छात्रवृत्ति प्रदान गरिएको हो । छात्रवृत्ति दिप्रुङ चुईचुम्मा गाउँपालिकाका प्रमुख भूपेन्द्र राईले प्रदान गरेका हुन् ।

 

प्रतिष्ठानले स्थापना गरेको कोषबाट आउने व्याजबाट हरेक वर्ष जेहेन्दारतर्फ चार, दलित, असहाय र गरिवतर्फ चार तथा उत्कृष्ट कालिकोटे खड्का छात्रछात्रातर्फ दुई जनालाई छात्रवृत्ति प्रदान गर्दै आइएको प्रधानाध्यपक सुमन खड्काले बताए । छात्रवृत्ति प्रदान कार्यक्रममा गाउँपालिका प्रमुख राईले प्रतिष्ठानको कार्यालय समेत उद्घाटन गरेका छन् ।

 

बखतबहादुर खड्का स्मृति प्रतिष्ठानको छात्रबृत्ति प्रदान कार्यक्रममा माबि स्तरिय हाजिरीजवाफ प्रतियोगीता सञ्चालन गरिएको छ । प्रतियोगीतामा सरस्वती मावि डाँडाखर्कले प्रथम र दोश्रो तथा सरस्वती मावि कुलागाउँले तेश्रो स्थान प्राप्त गरेको छ ।

 

कार्यक्रममा सरस्वती मावि डाँडाखर्कका पूर्वप्रअ केशव कार्कीको बिदाईका साथमा बखतबहादुर खड्का स्मृति प्रतिष्ठान र गाउँपालिकालाई सम्मान गरिएको थियो ।