• सोमवार, बैशाख १६, २०७६
• खोटाङ टुडे

बैशाख १६ सोमवार, २०७६
खोटाङ । गायक कुबेर राई र गायिका सुनिता थेगिमको स्वरमा समेटिएको लोक दोहोरी गीत सार्वजनिक भएको छ ।

खोटाङको हलेसी तुवाचुङ नगरपालिका–५ दुर्छिमका गायक राई र पाँचथरकी गायिका थेगिमको स्वर समेटिएको ‘सोल्टिनी आज के सारी राम्री’ बोलको पूर्वेली लोकदोहोरी गीत सोमबार तुवाचुङ टिभीको यूटुवमार्फत सार्वजनिक गरिएको हो ।

भविन्द्र राईको शव्द र गायक राईकै संगीत रहेको लोक दोहोरी गीत अदृश्य कला केन्द्र खोटाङले राजु कार्कीको एरेञ्जमा बजारमा ल्याएको हो ।

अधिकांश गीत सुविधा सम्पन्न शहरमा गएर यूटुवमा अपलोड गर्ने परिपाटीकाबीच अदृश्य कला केन्द्रले हलेसी तुवाचुङ नगरपालिका–५ दुर्छिमस्थित कार्यालयबाटै गीत सार्वजनिक गरेको हो ।

१३ मिनेट लामो लोक दोहोरी गीतमा खोटाङकै लोक संस्कृति र परिवेसलाई चित्रण गरिएको छ । गत मंसिरमा मात्र ‘सुनकोसीको चिसो पानी’ बोलको लोक गीत बजारमा ल्याएका राईले पुःन गायिका थेगिमसँगको सहकार्यमा दोहोरी गीत सार्वजनिक गरेको बताए ।

‘यो लोक दोहोरी मेरो पाँचौं गीत हो,’ गाउँमै बसेर गीत/संगीतको साधनामा लागेका गायक राईले भने, ‘आफ्नै गाउँ–ठाउँको परिवेस बोलेको गीत सन्देशमूलक पनि छ ।’

भिडियो हेर्न तल क्लिक गर्नुहोस् ।