• सोमवार, जेष्ठ ६, २०७६
• खोटाङ टुडे

काठमाडौं- केहि दिन अघि मात्रै सार्वजनिक भएको मौलिक लोक दोहोरि गित फूलजस्तैले सामाजिक संजालमा व्यापक चर्चा पाएको छ । टिकटकमा अहिलेसम्मकै सर्वाधिक भाइरल भएको लोक दोहोरिगित फेशबुक मा पनि उत्तिकै चर्चा छ । युट्युबमा अहिलेसम्म झन्डै ८ लाख भ्युज पाइसकेको गितमा दर्शक तथा स्रोताको सकारात्मक प्रतिक्रिया पाईरहेको देखिन्छ।

गीतबाट निकै सन्तुष्ट देखिएका लोक गाएक बि बि गुरुङ पनि खुशी देखिन्छन् । भन्छन्-” दर्शक स्रोताले यस गितलाई अझै धेरै माया गरिदिनु हुन्छ भन्ने विश्वास छ। ”

‘फूल जस्तै’ लोक तथा दोहोरी गीतमा गायक बिबि गुरुङ (बलबहादुर) र लोकप्रिय गायिका बिष्णु माझीको सुमधुर स्वर रहेको छ । जसमा कोरस स्वर गायक प्रसाद खप्तरि मगर, यज्ञ बिक, बाबु कृष्ण, कृष्ण पिरयार, गायिका मनमाया वाईबा, सरु थापा र बिन्दा परियार रहेको छ । मारुनी स्टुडियोमा रेकर्ड गरिएको ‘फुल जस्तै’ गीतलाई कुमार रानाले मिक्सिङ गरेका हुन् भने एरेन्जर कृष्ण बिक ‘भान्जा’ले गरेका हुन् ।

जसको रेकर्डिस्ट सुमन राना हुन् । गीतको म्युजिक भिडियोतर्फ बिपी फिल्मस्को निर्माणमा छायांकन गरिएको हो । भिडियोलाई मौसम हिमालीको निर्देशनमा श्याम घिमिरे र जुना सुन्दास लगायतको नृत्य तथा अभिनय रहेको छ ।