• सोमवार, जेष्ठ १३, २०७६
• खोटाङ टुडे

जेठ १३ सोमवार, २०७६
काठमाडौं- गृहमन्त्री रामबहादुर थापाले नेकपा विप्लव समूहलाई मुलधारमा ल्याउन र नियन्त्रण गर्न प्रतिवद्ध भएको बताएका छन्। सोमबार संसदमा बोल्दै उनले विप्लव समूहलाई नियन्त्रण गर्ने र वार्तामा ल्याउने प्रयास सरकारले अघि बढाएको बताए। विप्लव समूहको नेपाल बन्दको जनस्तरबाटै बहिस्कार भएको भन्दै शैक्षिक संस्था र लामो दुरीका सवारी साधनमा आंशिक प्रभाव रहेको उनले बताए। अपराधिलाई कानुनको कठघरामा ल्याउन कुनै कसर नराखिने उनले बताए।

थापाले जनसरकारको रुपमा विप्लव समूहले जनपरिषद गठन गरेको र जनसेनाको रुपमा चार कम्पनी निर्माण गरेको समेत बताए।

आइतबार भएका वम विस्फोटका घटनाबारे संसदमा जानकारी दिँदै उनले अहिले विप्लवको मुल निसाना उपत्यका बनेको बताए। आइतबारको घटनामा उपत्यकामा ४ जनाको मृत्य भन्दै उनले मृत्यु हुनेका नागरिक नभएर उनीहरुकै कार्यकर्ताको भएको बताए । (नागरिक न्युज अनलाईबाट ।)