• बिहिबार, साउन ३०, २०७६
• खोटाङ टुडे

साउन ३० बिहिवार, २०७६
काठमाण्डौं । वरिष्ठ साहित्‍यकार मदनमणि दीक्षितको निधन भएको छ। बिहीबार बिहान कालिकास्थानस्थित घरमै ९७ वर्षको उमेरमा दीक्षितको निधन भएको पारिवारिक स्रोतले जनाएको छ ।

पत्रकार कनकमणि दीक्षितले उनको निधन भएको ट्‍विटरमा लेखेका छन्। उनलाई अन्तिम श्रद्धाञ्जलीका लागि कालिकास्थानस्थित घरमा राखिने उनले उल्लेख छन् । यसअघि निमोनियाका कारण सुमेरु अस्पतालमा भर्ना गरिएका दीक्षितलाई स्वास्थ्यमा सुधार आएपछि घर ल्याइएको थियो।

आजै उनको अन्त्येष्टि गरिने पारिवारिक स्रोतले जनाएको छ। लामो समय पत्रकारिता गरेका मदनमणि उपन्यास, कथालेखन आदिमा चर्चित रहे। माधवी ग्रन्थका लागि उनलाई २०३९ सालमा मदन पुरस्कार प्रदान गरिएको थियो।