• मङ्लबार, भदौ २६, २०७५
• खोटाङ टुडे

 

आएछ तीज रातो सारी
ब्लाउज रातै लगाउने पालो !
फेसबुक खोल्नै हुन्न गाँठे
आँखै तिरर्मिराउन थालो !!

 

होडबाजी रहेछ पहिरनको
अरुकोभन्दा को कम हुने !
जागिर बिहिन पतिले चैँ
वेला आयो घुँक घुँक रुने !!

 

फरक फरक पोषाक चाहियो
प्रत्येक नातागोता चाल्ने !
घाँटी हेरी हाड निल्नु नि
त्यै बुढालाई राँको बाल्ने !!

छड्के तिल्लरी सिटै चाहिन्छ
कम्मर मर्काइ तीजमा लाइन्छ !
घरको हेरचाह गर्नु बुढा
माइतीमा रमाउँदै दर खाइन्छ !!

कृष्ण कार्की
दिप्रुङ चुईचुम्मा गाउँपालिका”२ डाँडागाउँ, खोटाङ

 

प्रकाशित मिति : भदौ २६ मंगलवार, २०७५